Конзорциумот предводен од кинеската компанија „Anta Sports“ упатил понуда за купување на финската компанија „Amer Sport“, оценувајќи ја на 4.6 милијарди евра, соопштуваат од кинеските купувачи, пренесува „Reuters“.
Конзорциумот, кој го вклучува и кинескиот технолошки гигант „Tencent“, понудил 40 евра по акција во готовина, за купување на финланскиот производител на тенискиот бренд „Wilson“.
Предложената цена била за 13,6% повисока од последната цена на „Amer Sport“, компанија со седиште во Хелсинки.
Конзорциумот планира да оперира со „Amer Sports“ независно од „Anta“, со посебен борд на директори, посочува пораката.
Акционерите што претставуваат околу 7,91% од акциите во „Amer Sport“ веќе го прифатија предложениот договор.
Меѓу другите компании во конзорциумот, влегуваат кинеските „Fountainvest Partners“ и „Anamered Investment“, која е во сопственост на канадскиот милијардер Чип Вилсон.
Претходно оваа недела, „Reuters“ објави информации од нивниот извор дека купувањето на „Amer Sport“ за 4,6 милијарди евра е блиску до финален договор.
