Јужнокорејскиот производител „Hyundai“ во Лос Анџелес го претстави својот „придонес“ кон американската незасистеност за големите „SUV“ автомобили.
„Hyundai“ го прикажа својот најголем модел „Palisade“, „SUV“ со три реда седишта кој користи 3,8-литарски V6 со директно вбризгување со 290 KS при 6.000 вртежи и 355 Nm.
Кога ќе се спореди со конкуренцијата во која се „Toyota Highlander“, „Honda Pilot“, „Nissan Pathfinder“ и „Ford Explorer“, „Palisade“ малку ги надминува во поглед на моќта и вртежниот момент, освен кај моделот на „Hondа“ кој има ист Nm.
Моќта на тркалата се пренесува преку осумстепен автоматски менувач, а купувачите можат да изберат верзија со погон на предната осовина или на сите четири тркала преку системот „HTRAC“ кој ја прилагодува распределбата на вртежниот момент на предната и задната осовина во зависност од теренот.
Со цел да се обезбеди комфорт и стабилност, „Hyundai“ го постави „Palisade“ на 18-инчни бандажи со гуми кои имаат димензии 245/60, a можно е да се добијат и 20-инчни бандажи со 245/50 гуми.
Моделот во сите верзии на опрема пристигнува со богат пакет безбедносна опрема, како системза избегнување на судар и детекција не пешаци, систем за мртвиот агол, црвено светло, долги светла, напуштање на лентата, како и адаптивен темпомат и „start/go“ системот.
Новиот „SUV“ на „Hyundai“ според дизајнот ги следи помалите модели како, „Santa Fe“ и „Konа“, a го одликува масивна предна маска, „LED“ фарови и дневни светла…
Во внатрешноста доминираат 12,3-инчни дигитални „TFT“ контролна табла и 10,25-инчни „TFT“ мултимедијален систем со „Android Auto“ и „Apple CarPlay“, бежично полнење, како и „Infinity“ аудио систем.
Тука е и „Heads-up“ дисплејот развиен специјално за „Palisade“, способен да пренесува информации како брзината, статустот на темпоматот, навигацијата, мртвиот агол, ограничувањето на брзината, напуштањето на лентата, адуо системот…
„Hyundai Palisade“ пристигнува во боите „Beckets Black“, „White Cream“, „Lagoon Silver“, „Steel Graphite“, „Sierra Burgundy“, „Moonlight Cloud“ и „Forest Rain“.
