Швајцарскиот концерн „Logitech“ ги прекинал преговорите со американскиот производител на слушалки „Plantronics“, на тој начин се стопираше и планираната зделка за купување, пресуваат агенциите, повикувајќи се на соопштението на „Logitech“.
Во текот на викендот „Ројтерс“ пишуваше дека двете компании водат преговори за договор, при што „Logitech“ планира да ја купи „Plantronics“ за 2,2 милијарди долари. Ова ќе биде најголемата аквизиција за швајцарската компанија и значително ќе ја прошири својата палета на производи. Прекинот на преговорите не беше објаснет од „Logitech“, а компанијата изјави дека е обврзана да ја чува приватност за преговорите според швајцарскиот закон.
Според „Ројтерс“ постои несогласување меѓу двете страни околу цената на трансакцијата, што доведе до неуспех во преговорите. Според информирани извори, „Logitech“ беше подготвена да плати над 3 милијарди долари по објавувањето на резултатите од „Plantronics“.
„Logitech“ според договорот планираше да ја задржи „Plantronics“ како самостојна компанија. По завршувањето на преговорите, главниот извршен директор на „Plantronics“, Џо Бартон побрза да ги смири акционерите на концернот, така што обрна внимание на најдобрите бизнис перспективи пред компанијата.
