“Stairways to Heaven” или “Highway to Hell”- која е вашата омилена песна во автомобилот?
Каква музика слушате додека возите – брза, бавна или “само нешто нека пее”?
Истражувањето спроведено од британската компанија “Moneybarn” открива дека повеќето од омилените песни, кои сакаме да ги слушаме додека возиме, имаат негативно влијание врз безбедноста. Генерално, музика, што е со темпо повисоко од 120 BPM (отчукувања во минута), има лош ефект врз возачите, бидејќи тоа ве принудува да возите побрзо и правите повеќе сообраќајни прекршоци.
“Ако мислите дека некоја песна од радиото ви го оттргнува вниманието, можеби би требало да ја промените”, вели претставник на “Moneybarn”.
Анализата на 96 од најпопуларните песни за возење од сервисот “Spotify”, утврдено е дека најопасна песна за возење е “American Idiot” на бендот “Green Day”. Таа има највисоко ниво на енергија од сите песни (0,988) и темпо од 186 BPM.
Топ 5 опасни песни:
1. “American Idiot” – Green Day
2. “Party in the USA” – Мајли Сајрус
3. “Mr. Brighside” – The Killers
4. “Don’t let me down” – The Chainsmokers
5. “Born to Run” – Брус Спингстин
Топ 5 безбедни песни:
1. “Stairway to Heaven” – Led Zeppelin
2. “Under the Bridge” – Red Hot Chili Peppers
3. “God’s Plan” – Дрејк
4. “Africa” – Toto
5. “Location”- Калид
Покрај темпото и енергијата на песната, влијание има и јачината на звукот. Гласната музика влијае на срцевиот ритам, но исто така и на брзината на реакција.
