Паметниот екран на „LG“ кој компанијата го претстави за време на овогодинешниот „CES“, веќе е достапен во САД, а наскоро и во други „клучни“ региони.
Моделот има 8-инчен екран на допир и е базиран на платформата „Android Things“, па работи со „Google Maps“, „Photos“, „YouTube“, а и со „Google Assistant“.
Името на моделот е „XBOOM AI ThinQ WK9“, а „LG“ ја додава и својата „Meridian Audio“ технологија во комбинација со „dual-channel“ звучници со вкупна моќ од 20W. Паметниот дисплеј има „Wi-Fi“ и можност за „Bluetooth“ поврзување.
Цената на уредот е 300 долари и е доста повисока во однос на пример со „Lenovo Smart Display“, кој исто така е со 8-инчен екран и чини 200 долари. Уште поевтин е „Google Home Hub“, кој е со цена од 150 долари. Корисниците во САД сепак ќе можат да ги искористат предностите на сериозното намалување, како за време на „Црниот петок“, кога моделот ќе чини 200 долари.
