Франција и Германија ќе ги претстават во понеделник плановите за ограничен заеднички буџет на еврозоната, кој – барем засега, ќе биде фокусиран главно на финансирањето на инвестиции. Тоа беше објавено од извори од француското Министерство за финансии, цитирани од „Ројтерс“.
Планот има за цел да ја избегне примената на контроверзните планови за тоа да се користи буџетот за помош на земјите од еврозоната, кои имаат економски проблеми, и така да не дојде до противење против него од страна на други членки на валутниот блок.
Париз и Берлин се договорија во јуни да ги елаборираат своите планови за заеднички буџет до крајот на годината, како дел од поширок пакет за зајакнување на интеграцијата во еврозоната – предлог, поддржана од одамна од францускиот претседател Емануел Макрон.
Оваа идеја сепак брзо доби отпор од некои земји во заедницата, предводени од Холандија, кои се загрижени за тоа колку пари ќе бара сличен план и како средствата ќе бидат искористени.
Министрите за финансии на Франција и Германија ќе им ги презентираат на своите колеги од еврозоната новите предлози за време на состанокот во понеделник во Брисел, а исто така ќе дадат детали за правната рамка и управувањето со буџетот.
„Има разбирање меѓу Германците дека треба да кажеме потреба од буџет за трошоци за инвестиции и конкурентност“, посочуваат извори од Министерството за финансии.
Нивниот план исто така го избегнува споменувањето на одредена сума, оставајќи го неговото изготвување на државните раководители, дополнуваат запознаени извори, кои го виделе текстот на предлогот од две страници.
Во него се наведува дека буџетот ќе биде дел од овој на ЕУ, иако ќе биде управуван од владите на еврозоната, кои ќе договараат за заедничка рамка за тоа која земја колку ќе плаќа.
Земјите од валутниот блок ќе треба да достават свои инвестициски програми пред Европската комисија да ги одобри, за да им бидат доделени средства. Тие исто така ќе можат да ги искористат средствата, само ако ги почитуваат европските фискални правила.
„Буџетот на еврозоната ќе охрабри приближување и ќе го стимулира исполнувањето на реформите, особено преку кофинансирање на промовирање на растот јавните трошоци, на пример за инвестиции, истражување и развој, иновации и човечки капитал“, се наведува во текстот на предлогот.
Во него се додава уште дека буџетот може да има и стабилизациска функција, како на пример при повлекување на средства во случај на притисок врз јавните финансии на одредена земја.
Од француска страна има предлог земјите да плаќаат за вкупен паричен фонд од кој можат да земаат средни заеми во време на рецесија, за да се задржат средствата за инвестиции. Земјите исто така ќе можат да прекинуваат исплати за време на финансиски тешкотии за да го намалат притисокот врз своите буџети.
Берлин за возврат нуди создавање на фонд за реосигурување.
