Ако користите „Android“ паметен телефон и сакате да симнувате апликации од неофицијални канали, добро е да имате добра заштита. Новиот тест на германската лабораторија за антивирусно тестирање, „AV-TEST“ може да ви помогне во изборот.
Тестовите се изведуваа на уредите со верзијата „Android 8.0“ и ја проценуваат безбедноста, употребливоста и функционалноста на 20 мобилни безбедносни апликации, вклучувајќи го и „Google Play Protect“.
Без изненадување, најдобрите апликации се добро познатите имиња, вклучувајќи ги „Avast Mobile Security“, „AVG Antivirus“, „Bitdefender Mobile Security“, „Kaspersky Internet Security for Android“, „Sophos Mobile Security“ и „Trend Micro Mobile Security“.
Можете да ги погледнете целосните резултати во приложената слика. Максималните постигнати резултати се 6 поени за заштита, 6 за употребливост и 1 поен за функционалност – вкупно 13.
Најмалку поени добива „Google Play Protect“ со 0 за безбедност и функционалност, и 5,5 поени за употребливост.