„Qualcomm“ го претстави својот гејминг чипсет со нови „CPU“ јадра – „Snapdragon 675“, како подобрување на се уште „свежиот“ модел „Snapdragon 670“.
Најголемото ажурирање е подобрувањето на процесорот со „Kryo 460“ јадра. Две јадра се базирани на новиот „Cortex-A76“ за преформанси и можат да достигна до 2GHz, додека останатите шест јадра се тука поради ефиканост и базирани се на „Cortex-A55“.
„ISP“ и „GPU“ остануваат исти како кај „Snapdragon 670“ („Spectra 250“ и „Adreno 612“).
Новиот чипсет пристигнува со бројни оптимизации за гејминг, вклучувајќи „енџини“ како што се „Unity“, „Unreal“, „Messiah“, „NeoX“. Тука е и поддршката за популарната алатка и „API“, вклучувајчи ги „Vulkan“, „OpenGL 3.2“, „OpenCL“ и „Snapdragon Profiler“.
Секторите за контрола на видеото и звукот се исти, со 4K @30 fps, поддршка за три камери до 16MP (или еден 25MP сензор). Промената е кога фотографијата се креира со новиот повеќе јадрен „AI Engine“, кој придонесува до 50% од вкупните подобрувања.
„Snapdragon 675“ ја поддржува технологијата „Quick Charge 4+“, за сите производители кои се подготвени да ја имплементираат во своите уреди.
Кога станува збор за конективноста, тука е поддршката за „Bluetooth 5“, „Dual VoLTE“, „Dual-band Wi-Fi 802.11 ac“ со „MIMO 2×2“, како и „Cat.12“ брзината на превземање до 600 Mbps. Платформата е веќе достапна за производителите и на уредите може појави веќе во почетокот на 2019-та година.
