Porsche ја претстави Panamerа GTS со 460 KS (фото+видео)

Германскиот премиум гигант „Porsche“ ја претстави „Panamerа GTS“ која ќе биде понудена во двете каросериски верзии.

„GTЅ“ верзијата го пополнува просторот помеѓу стандардната и најмоќната „Panamerа“, a може да се купи и во караванска „Sport Turismo“ каросерија.

„Panamerа GTS“ во двата случаи користи 4,0-литарски V8 би-турбо кој развива 460 „коњски сили“ и 620 Nm вртежен момент.

Агрегатот овозоможува забрзување од место до 100 km/h за 4,1 секунди и максимална брзина од 292 km/h.

Фабричките податоци тврдат дека просечната потрошувачка на „Panamerа GTS“ е 10,3 литри на 100 km (10,6 литри кај верзијата „Sport Turismo“).

Моќта се пренесува преку осумстепен автоматски менувач со двојно квачило (PDK).

„Panamera GTS“ е стандардно опремена со адаптивна воздушна суспензија, 20-инчни бандажи и „Sport Chrono“ пакет.

Што се однесува до визуелните детали, „GTS“ од другите модели од семејството „Panamerа“ се разликува по неколку црни каросериски елементи и логично „GTS“ ознаката.

Почетната цена на „Panamerа GTS“ во Германија е 138.493 eвра, a 141.349 евра ако купувачите се одлучат за практичната „Sport Turismo“ верзија.