Јапонскиот производител на автомобили најави еден куп нови и освежени модели кои ќе се најдат во продажните салони во блиска иднина. Во наредните две години „Suzuki“ ќе претстави нов модел во А сегментот кој ќе биде замена на моделите „Alto“ и „Splash“, како и верзија со пет врати на моделот „Swift Sport“ и интегрален погон во стандардниот „Swift“.
Еден од поинтересните модели е во фаза на подготовка, а станува збор за поширок претставник во Б сегментот кој е по примерот на „Nissan Note“ и „Toyotа Verso“. Ќе биде дизајниран за да ја прошири понудата на „Swift“ и ќе донесе поголем простор за патниците на задната клупа и поголем простор во багажникот. „Suzuki“ има во план да го пушти во сериско производство и необичниот концепт „G70 Regina“.
Во субкомпактниот сегмент компанијата има намера да претстави уште еден неименуван конкурент на „Nissanu Juke“, модел кој ќе биде составуван во унгарските погони покрај моделот „SX4 S-Cross“ кој сега е малку зголемен и е во конкуренција на „Nissan Qashqai“.
И покрај тоа што го задржи името „SX4“ овој модел нема да биде наследник на постоечкиот „SX4“, туку ќе се води како далеку поголем нов модел.
„Grand Vitara“, „Jimny“ и „Kizashi“ ќе бидат напроменети барем уште некое време, иако „Jimny“ ќе мора да го добие системот „ESP“ доколку сака да се продолжи да се продава во Европската унија.
