„HTC“ ќе го претстави својот нов паметен телефон неколку дена пред официјалното објавување. Како што е соопштено на страницата на производителот на „Twitter“, презентацијата е планирана за 30-ти август, ден пред отворањето на саемот „IFA 2018“ што се одржува од 31-ви август до 5-ти септември во Берлин.
Судејќи според тизерот, ова е нов паметен телефон од „HTC U Life“ серијата, во кој се прикажани модели од среден опсег.
Според претходните податоци смартфонот со кодно име „Imagine Life“ е опремен со 6-инчен дисплеј со резолуција „Full HD +“ (2160 x 1080 пиксели), двојна главна камера 16 + 5 MP со фазен автофокус и можност за снимање на 4K видео, а исто така и 13 мегапикселна предна камера со блиц.
Во основата на уредот е осумјадрен процесор „Qualcomm Snapdragon 636“, комбиниран со 4 GB RAM и 64 GB RАM со можност за проширување со картичка формат „microSD“.
Капацитетот на батеријата е 3.600 mAh.
Има скенер за отпечатоци од прсти, но засега не е познато каде ќе биде неговата локација.
Овој смартфон ќе поддржува две SIM картички, Bluetooth 5.0 и NFC.