Социјалната мрежа „Фејсбук“ ја забрани апликацијата за тестирање на личноста „МyPersonality“, поради постоење сомнение дека е можна злоупотреба на податоци на четири милиони корисници.
„Фејсбук“ вчера соопшти дека ја забранил апликацијата, откако утврдил дека податоците на корисниците им биле дадени на истражувачите и на другите компании „со ограничена заштита“.
Социјалната мрежа објави и дека ќе ги информира корисниците на апликацијата чии податоци се злоупотребени.
Одлуката беше донесена по неодамнешниот скандал со компанијата за собирање и обработка на податоците „Кембриџ Аналитика“.
