„Avast“ – компанијата за сајбер безбедноста, која направи јавно деби во мај оваа година, забележа силно прво полугодие, очекувајќи и подобрување на маргините подоцна во 2018-та година.
Компанијата која го промовираше слободниот модел во безбедносниот сектор, или бесплатното снабдување со своите основни производи, рече дека се забележани добри резултати. Приходите за овој период се зголемуваат во согласност со очекувањата, додека приходите се малку подобри од проектираните резултати, објави „Ројтерс“.
Во првата половина од годината, прилагодената заработка на „Avast“ изнесуваше 394,3 милиони долари, што претставува зголемување од 8,5%.
„Ние ќе ги исполниме годишните прогнози за едноцифрен раст на приходите“, рече главниот извршен директор Винсент Стеклер.
Според него, компанијата известува за силна побарувачка за „VPN“-производите кои ги штитат корисниците на јавни мрежи. Ова, од своја страна, доведе до зголемување на претплатниците од 2,6%, зголемувајќи го нивниот број на 11,67 милиони.
По веста, акциите на лондонскиот производител на берзата се зголемија за повеќе од 3,5 отсто.
„Avast“ забележа исто приспособена главна добивка од 222,1 милиони долари, што претставува раст од 10,6% кај маргина од 55,1%, а тоа ја става на сигурен пат кон исполнувањето на нејзините прогнози за годината.
Пред објавувањето на денешните резултати, аналитичарите очекуваа профит од 435,3 милиони долари за годината.
