Моделот „R17“ на кинеската компанија „Oppo“ ќе биде првиот паметен телефон со процесорот „Qualcomm Snapdragon 670“ (шест „Kryo 360“ јадра, „Adreno 615“ графика и „Snapdragon X12“ модем), a воедно е и првиот уред кој го користи новото „Gorilla Glass 6“ стакло на компанијата „Corning“.
Тука е и „FHD+“ екранот од 6,4 инчи во 19:9 формат, кој зазема 91,5% од предната страна од уредот и многу мал „notch“ на предната камера со сензор од 25 мегапиксели и отвор на блендата f/2.0 (Sony IMX576 сензор).
Од останатите карактеристики треба да се истакне сензорот за оптпечаток на прстот под самиот екран, 8GB RAM, 128GB интерна меморија, батерија од капацитет 3.500 mAh со „VOOC Flash Charge“ технологија за брзо полнење.
Тука е и двојната задна камера (главниот сензор е од 16MP) кој поддржува различни „AI“ опции, како и „USB 2.0 Type-C“ приклучок. Уредот поддржува „Bluetooth 5.0“ и „Wi-Fi“ (802.11ac).
„Oppo R17“ на кинескиот пазар пристигнува на 18-ти август во „Twilight Blue“ и „Starry Purple“ бои, со цена од околу 380 евра. Во план е и „R17 Pro“ верзија со три задни камери.
