Во вториот квартал од годината „Berkshire Hathaway Inc.“ го зголеми својот удел во „Goldman Sachs Group Inc.“ и израелската фармацевтска компанија „Teva Pharmaceutical Industries Ltd“, информира „Reuters“.
Инвеститорите ја следат со зголемен интерес промената во удели со учество, бидејќи, според дел од нив, тоа е знак дека легендарниот инвеститор Ворен Бафет, како и неговите инвестициски менаџери Тод Комбс и Тед Вишлер, виделе можност за инвестиции.
Само за кварталот „Berkshire“ потрошила 6.08 милијарди долари за купување на акции, но и покрај тоа слободните средства на компанијата пораснаа до 111 милијарди долари.
Компанијата, управувана од Ворен Бафет и неговата десна рака Чарли Мангер, го зголеми својот удел во „Goldman“ со 21%, до сегашните 13,3 милиони акции, проценети на 2.92 милијарди долари. Пред три месеци „Berkshire“ поседуваше 11 милиони акции од инвестициската банка, а инвестицијата датира од финансиската криза од 2008-ма година.
Учеството во „Teva“ веќе е 7% поголемо и денес изнесува 43.25 милиони акции, проценети на околу 1.05 милијарди долари.
„Berkshire“, исто така, објави дека веќе поседува 252 милиони акции на „Apple“, вредни 47 милијарди долари, споредено со 239,6 милиони акции пред три месеци порано.
Бафет сега поседува околу 5 отсто од компанијата што неодамна го мина прагот од 1.000 милијарди долари.
На крајот на 88-годишниот, Ворен Бафет често купува акции од одделни компании, кога не може да ја најде вистинската цел за инвестирање. Денес „Berkshire“ инвестира во повеќе од 90 компании во осигурувањето, енергетиката, железницата, храната, малопродажбата и многу други.
„Berkshire“ објави купувања во кварталот и во „Axalta Coating Systems“, „US Bancorp“, „Bank of New York Mellon Corp“, „General Motors Co“, „Liberty Global Plc“, како и авиокомпаниите „Southwest Airlines“ и „Delta Air Lines“.
Хартиите од вредност се намалија, откако Бафет ги продал своите акции во „American Airlines Group Inc.“, „Charter Communications“, „Phillips 66“, „United Continental Holdings“ и „Verisk Analytics“.
