Google тврди дека овој уред ќе ги заштити вашите профили од хакери (видео)

„Google“ демонстрираше нов метод на логирање, при што корисниците мораат да се поврзат на специјален уред – хардверски клуч, со цел да пристапат до своите профили преку компјутер или лаптоп.

Клучот, наречен „Titan Security Key“, прво ќе биде понуден на бизнис корисниците на „Google Сloud“ сервисот, а потоа и за сите заинтересирани корисници преку интернет продавницата на „Google“.

Целта на хардверскиот клуч е да се подобри безбедноста на профилите. Корисникот ќе може да се логира преку уредот само ако харверскиот клуч е во близина.

Компанијата веќе некое време нуди и други безбедносни методи, вклучувајќи верификација во два чекори преку мобилна апликација или текстуални пораки.

„Titan Security Key“ ќе биде понуден во две верзии: една за поврзување со компјутер преку „USB“, а другиот модел користи „Bluetooth“ за бежично поврзување со мобилен телефон.

Уредот има специјален „firmware“ со кој „Google“ проверува дали обидот за локирање е успешен. Хардверските клучеви користат „FIDO“ стандард, а исто така работат и на различни интернет страни.