Се чини дека „Microsoft“ ја истражува можноста да влезе на пазарот на паметни слушалки и со сопствен проект да се натпреварува со „Apple AirPods“. Наводниот дизајн на компанијата се уште е во фаза на патентирање, а идејата на „Microsoft“ е да го развие концептот на преносни слушалки со нови функции.
Поапстрактниот дел од патентната апликација на „Microsoft“ укажува на тоа дека слушалките ќе имаат многу опции. Тие вклучуваат мерење на температурата со вграден сензор, што покажува дека тие исто така може да се користат како активни тракери. Покрај тоа, се очекува моделот да пренесува известувања до корисникот, вклучувајќи ги и оние за нови пораки и известувања за апликации.
Се разбира, не е пропуштена опцијата за поврзување со други „Microsoft“ уреди и услуги, како гејмерската конзола „Xbox“.
Додека новиот проект на „Microsoft“ звучи како прилично интересно решение, имајте на ум дека сé уште е во патентната фаза. Ова значи дека можеби воопшто нема да се реализира или да биде дел од опишаната функционалност.
Засега, ние исто така немаме информации за наводниот дизајн на идните слушалки. Овој аспект на овој тип на производ е од голема важност, со оглед на тоа како потрошувачите се поделени во смисла на погодноста и успешните слушалки на „Apple“.
