McLaren подготвува 18 нови спортски автомобили до 2025-та

До 2025-та година компанијата „McLaren“ ќе го објави 18 нови спортски автомобили, меѓу кои ќе има и неколку хибридни модели, соопшти самиот британски производител на автомобили, цитиран од западните медиуми.

Новиот план „Track25“ е еволуција на планот „Track22“, кој беше претставен од страна на компанијата на автомобилскиот саем во Женева во 2016-та година, кој требаше да заврши до 2022-ра година. Ревидираната стратегија за развој на „McLaren“ ги вклучува следните седум години.

Во овој период на пазарот ќе бидат пуштени 18 нови спортски автомобили, кои ќе добијат и хибридни модификации. Плановите на „McLaren“, исто така, вклучуваат развој на нови батерии и станици за полнење за нив. Ова ќе им овозможи на автомобилите да „летаат“ по патеката со максимална моќност не помалку од половина час, а батериите ќе им се полнат многу брзо.

Како дел од имплементација на планот „Track25“ до 2025-та година, продажбата на автомобили на брендот во целиот свет треба да се зголеми за најмалку 75%  или до околу 6.000 примероци.