„General Motors“ го зголемува производството на својот популарен електричен модел „Chevrolet Bolt EV“ за 20 отсто поради зголемената побарувачка.
„GM“ очекува глобалната продажба да порасне за 35% во следниот квартал и повеќе од 40% во првите шест месеци од година.
Меѓутоа, иако „Bolt“ глобално одлично се продава, тоа не е случај со домашниот, американски пазар. Покрај тоа, продажбата на „Bolt“ во САД забележа пад од 22,6% во вториот квартал, на само 3.483 единици.
На тоа секако влијаеше и локалниот конкурент „Tesla“ кој го достигна планираното ниво на продажба на „Model 3“ oд 5.000 возила неделно.
Втората причина за лошиот резултат на „Chevrolet Bolt“ во САД е и „Nissan Leaf“.
Јапонскиот производител не само што ја претстави новата генерација на најпродаваниот „EV“ модел на светот по премиерата на „Bolt“, туку и претходната се продаваше подобро од адутот на „Chevrolet“.
