Новата „AV-TEST“ студија ги открива најдобрите антивирусни решенија за „Android“, при што 8 од 16-те тестирани апликации добиваат максимални резултати.
Тестовите беа спроведени помеѓу ноември 2017-та и март 2018-та година, оценувајќи го нивото на заштита, употребливост и функционалност. „Avast“, „Bitdefender“, „G Data“, „Kaspersky Lab“, „PSafe“, „Symantec“, „Tencent“ и „Trend Micro“ обезбедија максимален број на поени (13). Веднаш зад нив се рангираа „McAfee“ со 12,8 поени, „Alibaba“ со 12,7 поени и „AhnLab“ со 12,4 поени.
Во однос на откривање на малициозен софтвер, апликациите на „Alibaba“, „Avast“, „McAfee“ и „Psafe“ најдобро се справуваат. Најинтересно е дека „Google Play Protect“ не добива ниту еден поен овде.
Што се однесува до влијанието врз продуктивноста, 12 од 16-те тестирани апликации добија максимален рејтинг, што покажува дека тие имаат минимално влијание.
