„Asus“ тивко го претстави „ZenFone Ares“ телефонот во Тајван, а уредот го карактеризира имплементацијата на „AR“ (Augmented Reality) и „VR“ (Virtual Reality), со спецификации речиси идентични со минатогодишниот модел „ZenFone AR“.
„Asus ZenFone Ares“ има 5.7-инчен „Super AMOLED“ екран, со 16:9 однос на страните и „QHD“ резолуција (2560 x 1440p). Дисплејот го карактеризира „Tru2life“ технологија за подобра видливост на дневна светлина.
Телефонот го користи чипсетот „Snapdragon 821“, поврзан со 8GB RAM и 128GB UFS 2.0 простор за складирање на податоци. Хардверот се чини дека е компатибилен со „Google ARCore“ технологијата.
На задната страна се камера со 23MP со „PixelMaster“ 3.0 oбјектив, додека предната камера има 8MP. Уредот го користи оперативниот систем „Android Nougat“, додека батеријата има капацитет од 3.300mAh со „Quick Charge 3.0“ поддршка.
Тука се и додатоците за мултимедијално искуство во вид на „SonicMaster 3.0 Hi-Res Audio 384 kHz“ декодер на звукот, како и поддршка за „DTS Headphone with 7.1 surround“.
„Asus ZenFone Ares“ моментално е лимитиран за тајванскиот пазар, каде се продава по цена од околу 333 долари. Засега не се истакнати плановите за потенцијално глобално појавување на овој уред.
