Претходно во оваа година, „Nvidia“ го најави тоа што го нарече „Big Format Gaming Display“ (BFGD), кои нудат величина од 65 инчи, со резолуција од „4K“, „HDR“ поддршка и максимално освежување од 120Hz, „G-Sync“ и „Integrated Nvidia Shield Android TV“.
За време на прес-конференцијата на „Nvidiа“ на „Computex“, компанијата истакна дека гејмерите може да очекуваат „Nvidia BFGD“ кон крајот на летото.
Тоа што „Nvidia“ тука ќе го нуди е „PC“ монитор во формат и димензии кои ги имаат големите телевизори, овозможувајќи на оние кои уживаат во гејмингот на големите екрани да ги користат предностите на „PC“ технологијата како што се 120Hz, „G-Sync“ и „HDR“.
„Asus“ веќе го претстави својот прв „BFGD“ – „Republic of Gamers Swift PG65“, кој претставува 65 инчен 120Hz монитор со „DCI-P3“ спектар на бои, осветлување од 1000 нити и со „Direct-Lit Full-Array LED“ позадинско осветлување. „Acer“ и „HP“ исто така имаа слични решенија.
Од „Nvidia“ не ја објавија информацијата за цените за идните „Big Format Gaming Display“.