Продажбата на нови автомобили во земјите на ЕУ се одвива добро, покажуваат статистиките на изданието „focus2move“.
Кои се најпродаваните автомобили во Европа за првите 4 месеци од 2018-та?
Девет од моделите во Топ 10 за првите 4 месеци од 2018-та година покажуваат позитивна динамика во април. Таа е највисока кај „Ford Fiesta“ – 25,2%, со што компактниот хечбек се искачи на четвртата позиција во април со 25.037 продадени единици. За четирите месеци од оваа година беа продадени 113.284 возила.
Лидерот е ист – „Volkswagen Golf“, кој во април продаде 45.376 возила (зголемување од 9,3%). За првите четири месеци од 2018-та година, резултатот на моделот е 195.449 единици, што е 11.2% повеќе од 2017-та година.
Втората позиција е за „Renault Clio“ – 32.630 единици (+10.45) во април и 126.257 во периодот јануари-април (+ 0,6%). Третото место е за „Volkswagen Polo“ – 33.386 продадени во април (+ 6.6%) и 123.754 за четирите месеци (-3.6%).