Само два дена откако го одбија барањето на владата на САД да повлечат 2.7 милиони стари модели на „Џип“, Крајслер се одлучи ширум светот да отповика вкупно 630.000 автомобили.
Овој автомобилски гигант ќе повлече 409.000 возила од моделите „Џип Патриот“ и малите СУВ автомобили „Компас“ кои се произведени во периодот од 2010-та до 2012-та година поради проблеми со воздушните перничиња и безбедносните појаси.
Крајслер исто така ќе отповика и 221.000 автомобили од моделот „Џип Вранглер“ од 2012-та и 2013-та година за да го отстранат дефектот кој го имаат предизвикан од течењето на масло од менувачот.