„Google Play“ продавницата за апликации од сега е побогата за уште една апликација на која се потпишува „Google“.
Станува збор за апликацијата „Google Keyboard“, односно „Android 4.0“ тастатурата која сега стана посебна апликација.
„Од сега можете да добиете паметно и едноставно пишување како на „Nexus“ уредите, така и на вашиот „Android“ телефон или таблет. „Google Keyboard“ ја има опцијата „Gesture Typing“ (која овозможува да поминувате со прстот преку буквите за да напишете збор и да внесете празно место со едноставно подигнување на прстот), автоматско исправување на грешките и предвидување на зборовите“, се наведува во официјалното соопштение од „Google“.
За да можете да ја превземете оваа апликација потребен ви е оперативен систем „Android 4.0“ или некоја понова верзија.
