Widgetized Section

Go to Admin » Appearance » Widgets » and move Gabfire Widget: Social into that MastheadOverlay zone

Профитабилно работење и раст на премија на сите пазари во Групацијата

Време: 09:59

Датум: мај 16, 2018

Категорија: КОМПАНИИ

Триглав Осигурување Скопје оствари раст на премија во првиот квартал од 2018 година

Групацијата Триглав успешно работеше во првото тромесечје од оваа година. Добивката пред оданочување изнесуваше 27,5 милиони евра, што е 8% повеќе од истиот период минатата година, а остварената нето добивка во висина од 23,3 милиони евра е 5% поголема од истиот период минатата година. Триглав обезбеди 4% повисока консолидирана бруто премија – вкупно 293 милиони евра, додека раст на премија е забележан на сите пазари на кои работи Групацијата. Во првите три месеци од оваа година,  врз работењето немаа влијание масовни штетни настани, а приносите од финансиски вложувања, согласно очекувањата, беа пониски од минатогодишните во истиот период. Групацијата Триглав, водечка осигурително-финансиска групација во регионот Адриа, во 2018 година продолжува со спроведување на своите стратешки насоки. Во согласност со стратегијата за раст и развој, по минатогодишниот влез на пазарот на доброволно пензиско осигурување во Босна и Херцеговина и на македноскиот пазар на осигурување на живот, оваа година Групацијата со купување на мнозински удел, влегува на пазарот на пенизски осигурувања во Хрватска. Триглав Осигурување Скопје, кој е дел од Групацијата Триглав, во првиот квартал на 2018 година обезбеди 9% повисока бруто полисирана премија споредено со истиот период минатата година.

Профитабилно работење. Групацијата Триглав во првото тромесечје од 2018 година оствари 27,5 милиони евра консолидирана добивка пред оданочување, што е за 8% повеќе од минатогодишната во истиот период. Порастот на нето добивка изнесува 5%, односно 23,3 милиони евра. Реализираните деловни резултати се пред сè одраз на доброто работење во доменот на осигурувањето. Споредено со истиот период минатата година, Групацијата оствари раст на премија од 4%, кој што е поголем од растот на нето трошоци за штети (индекс 102), додека порастот на оперативни трошоци од осигурителна дејност изнесува 4%.

Раст на премија на сите пазари. Групацијата Триглав обезбеди 293 милиони евра консолидирана бруто премија, што е 4% повеќе споредено со истиот период минатата година. Реализиран е раст на премија на сите пазари на кои што Групацијата Триглав е присутна. Растот во Словенија во просек изнесува 4%, а надвор од Словенија 6%. Од гледна точка на сегменти на осигурување, Групацијата забележа раст на премија кај неживотните и здравствените осигурувања (кај обете индексот е 106), додека кај осигурувањата на живот обезбеди 3% пониска премија, што првенствено е одраз на позитивните еднократни настани во првото тромесечје од минатата година.

Без масовни штетни настани. Во првите три месеци од оваа година врз работењето на Групацијата Триглав немаа влијанија масовни штетни настани. Бруто ликвидирани штети изнесуваа 171,0 милион евра, што е 12% повеќе од штетите ликвидирани во истиот период минатата година. Зголемувањето е претежно последица на исплата на настанати и пријавени штети во текот на 2017 година во областа на неживотни осигурувања, кои што соодветно беа резервирани и реосигурени, како и зголемување на осигурителното портфолио во областа на здравствени осигурувања и поголемо учество на штети заради изменета старосната структура на осигурениците. Комбинираниот коефициент на Групацијата Триглав на крајот на тромесечјето изнесува 88,5%.

Пониски приноси од финансиски вложувања, во согласност со очекувањата. И во првото тромесечје на 2018 година управувањето со финансиски вложувања во висина од 3,1 милијарда евра се одвиваше под околности на ниски каматни стапки, што континуирано влијае на намалување на приходот од камати. Приносите од финансиски вложувања (без приноси од вложувања на осигурениците на животно осигурување кои го преземаат ризикот од вложувања) во споредба со минатата година се намалија за 39%, а пониските нето приноси од камати беа очекувани. Групацијата и оваа година ги задржува главните насоки на својата инвестициска политика.

Финансиска стабилност. На крај на март 2018 година капиталот на Групацијата изнесуваше 767,8 милиони евра, додека бруто техничките резерви изнесуваа 2.766,2 милиони евра, што претставува раст од 1% за двете категории, споредено со крајот од 2017 година. Групацијата Триглав е финансиски стабилна, добро капитализирана и грижливо управува со ризиците на кои што се изложени матичното друштво, како и останатите 37 друштва од Групацијата.

Во насока на стратегијата на раст и развој. Групацијата во 2018 година продолжува со доследно спроведување на стратешките насоки. Во согласност со визијата до 2020 година се развива во современа, иновативна и динамичка осигурително – финансиска групација, која цврсто останува на водечката позиција во Словенија и пошироко, во регионот. Во насока на својот стратешки развој и раст, по минатогодишниот влез на пазарот на доброволно пензиско осигурување во Босна и Херцеговина и на пазарот на осигурување на живот во Македонија, оваа година Групацијата влегува на пазарот на пензиски осигурувања во Хрватска.

Претседателот на управата на Заваровалница Триглав Андреј Слапар изјави: „Задоволни сме со резултатите од првото тромесечје, а земјќи ги во предвид очекуваните околности на работење до крајот на годината, цениме дека годинешната бруто добивка на Групацијата Триглав ќе биде реализирана во планираните рамки. Забележуваме дека растот на обемот на работење на осигурителните пазари во регионот и натаму е позитивен, но истовремено во своите активности треба да го земеме во предвид и високото ниво на конкуренција на тие пазари. Согласно стратегијата, ја развиваме и прилагодуваме понудата на потребите на клиентите и карактеристиките на поединечните пазари. Со екипа, која брои повеќе од 5.000 соработници, дополнително ги јакнеме своите постоечки, силни конкурентски предности и спроведуваме интензивни продажни активности.“

Групација Триглав на пазарот во Македонија

Триглав Осигурување Скопје и во првиот квартал од 2018 година продолжи со позитивен тренд во своето работење. Компанијата, која има лидерска позиција на пазарот на неживотно осигурување во Македонија, во овој квартал обезбеди 9% повисока бруто полисирана премија во споредба со истиот период минатата година. Овој раст најмногу се должи на зголемената бруто полисираната премија во доменот на осигурувањето на имот од пожар и природни непогоди, осигурување од финансиски загуби и доброволното приватно здравствено осигурување.

Главниот извршен директор на Триглав Осигурување, г. Ѓорѓе Војновиќ, смета дека е уште поважно тоа што компанијата во дадениот период на пазарот воведе новини, кои придонесуваат кон развојот на осигурителната индустрија и на клиентите им обезбедуваат значајни бенифити. “Дигитализација на процесите секако е еден од најважните предизвици, но е предуслов за задоволство на клиентите, имајќи ги во предвид животниот стил и преференците на луѓето. Онлајн обновата на полиси од автомобилска одговорност, која ја воведовме на почетокот од оваа година, на клиентите им овозможува едноставно и брзо да ја завршат работата, што во голема мерка го олеснува процесот на осигурување. Од друга страна, Триглав, прв на пазарот во Македонија, воведе и осигурување на гуми, кое што вклучува и 24 часовна асистенција во Македонија и во Европа. Во нашиот фокус секогаш ќе биде клиентот, на кој сакаме да му понудиме дополнителна вредност и подобар квалитет на живот“, во оваа прилика додаде г. Војновиќ.

Триглав Осигурување Живот успешно започна со својата работа во доменот на осигурување на живот, по својот комерцијален старт на крајот на 2017 година. Со воведувањето на осигурување на живот на македонскиот пазар, Триглав на своите клиенти им обезбедува услуга во сите домени на осигурување.

КОМЕНТАРИ

НАЈНОВО ОД КАТЕГОРИЈАТА

  • Morgan Stanley објави пониска од очекуваната заработка за четвртиот квартал

    Morgan Stanley објави пониска од очекуваната заработка за четвртиот квартал

    Профитот на американската банка „Morgan Stanley“ не успеа да ги исполни очекувањата на аналитичарите за последниот квартал од 2018-та година, откако растот на корпоративните трансакции…

  • Binance отвора нова берза во Европа

    Binance отвора нова берза во Европа

    „Binance“ – најголемата берза за криптовалути во светот според трговскиот обем, започна сосема нова платформа за тргување со валутни парови. Новата берза ќе биде базирана…

  • Заврши стечајот – со ФЕНИ ќе управува компанија од Бахамите

    Заврши стечајот – со ФЕНИ ќе управува компанија од Бахамите

    ГСОЛ ќе продолжи да управува со ФЕНИ откако ги доби сите потврди од надлежните судови, со тоа заврши стечајната постапка за комбинатот кој во своето…

  • Societe Generale предупреди за послаби резултати во четвртиот квартал

    Societe Generale предупреди за послаби резултати во четвртиот квартал

    Француската банка „Societe Generale“ објави дека нејзините резултати за четвртиот квартал ќе бидат погодени од најтешките пазарни услови и влијанието на одредени продажби на средства,…

  • Со судското одобрување на планот за реорганизација на ГСОЛ успешно се завршува стечајната постапка на ФЕНИ Индустри

    Со судското одобрување на планот за реорганизација на ГСОЛ успешно се завршува стечајната постапка на ФЕНИ Индустри

    Планот поднесен од ГСОЛ, за реорганизација на ФЕНИ Индустри, пирометалуршка фабрика за производство на фероникел во Кавадарци, е конечен, како што соопшти Судот во Велес.…

  • Животните на Schleich бараат нова татковина

    Животните на Schleich бараат нова татковина

    Пластичните животни на германскиот производител на играчки „Schleich“ ќе имаат нов сопственик. Францускиот финансиски инвеститор „Ardian“ ја ангажираше американската инвестициска банка „JP Morgan“ да најде…

  • Шесте најголеми американски банки го минаа прагот на профит од 100 милијарди долари

    Шесте најголеми американски банки го минаа прагот на профит од 100 милијарди долари

    Шесте најголеми банки во САД никогаш досега не го преминале прагот на вкупна добивка од 100 милијарди долари. Од почетокот на новата сезона на објавување…

  • Nokia отпушта 350 луѓе од својот тим

    Nokia отпушта 350 луѓе од својот тим

    Компанијата „Nokia“ ќе отпушти околу 350 од своите 6.000 вработени во Финска во оваа година, како дел од нејзината програма за намалување на трошоците, која…

  • Airbnb оствари профит втора година по ред

    Airbnb оствари профит втора година по ред

    Компанијата за краткотрајните наеми „Airbnb“ соопшти дека остварила добивка втора година по ред. Информациите доаѓаат во време на долгоочекуваната јавна понуда на акции на компанијата,…

  • Милијардер понуди 5,2 милијарди евра за спас на голем американски трговски синџир

    Милијардер понуди 5,2 милијарди евра за спас на голем американски трговски синџир

    Извршниот директор на потонатиот американски малопродажен синџир на „Сирс холдинг“, Еди Ламперт, понуди спас од стечај за 126 години старата компанија, ставајќи на аукција понуда…