Најбогатите спортски фанови не ги гледаат натпреварите од обичните седишта, туку од луксузни апартмани или ложи на стадионите или терените. Цената за ова задоволство е навистина преголема.
Постојат два начини да се добијат апартмани на стадионите. Првиот начин е да се откупи на подолг период. Например на стадионот „Yankee Stadium“ некои слични ложи чинат 800.000 долари годишно, а на „Madison Square garden“ цената може да достигне и до 1 милион долари. Сопствениците на ваквите ложи имаат пристап до сите манифестации кои се одржуваат на овие објекти, вклучувајќи ги концерти.
Може да изнајми ложа и за еден конкретен натпревар, но цената зависи од важноста на натпреварот.
Во принцип еден апартман на фудбалски стадион може да се откупи за сума од 15.000 до 25.000 долари. Нормално цените варираат во зависност од стадионот, а Њујорк како најскап град често цените на ложите на овие стадиони или сали се над 25 000 долари.
Што се нудат за таа цена? Апартманите имаат паркинг места во близина на влезот, а некои стадиони имаат одделни влезови за VIP гостите, за да не чекаат во редица со обичните смртници. На „Cowboys Stadium“ паркингот за корисниците на ложите е под стадионот каде паркираат и играчите. Од таму тие земаат лифт, кој ги носи директно во нивната ложа. Цената е околу 35.000 долари. Нормално во цената се вклучени разни видови на специјалитети, како и пијалоци.
Видете кои се најскапите апартмани или ложи за еден натпревар.
8. Апартмани за финалето во хокеј „Stanley Cup“ во 2011-та година
Цена: 25.000 долари
Место: „TD Garden“, Бостон
Во 2011-та година богатите навивачи платиле по 25.000 долари за да го гледаат финалето во хокеј.
7. 2011-та година финалето на NBA
Цена: 30.000 долари
Место: „American Airlines Center“, Далас
Тука ложите се со посебен влез и испорака на храна и пијалоци.
6. 2011-та година сериите на Националната бејзбол лига „MLB World“
Цена: 35.000 долари
Место: „Busch Stadium“, Сент Луис
Сериите се играа во Арлингтон и Сент Луис, но најскапите ложи беа во Сент Луис. Најголемиот апартман на овој стадион може да собере 30 луѓе и за оваа цена следуваа сендвичи, хот дог, начос и пијалаци.
5. 2012-та година финалето на NCAA
Цена: 55.000 долари
Место: „Mercedes-Benz Superdome“, Њу Орлеанс
Тука се одигра финалниот натпревар од американската колеџ лига во кошарка, но во оваа цена не беше вклучено јадењето.
4. 2011-та година, машкото финале на US Open
Цена: 60.000 долари
Место: Национален тениски центар „USTA Billie Jean King“, Њујорк
Секој ден на US Open се продаваат по 100 ложи. Во првата недела цената е 15.000 долари, а за финалето износот се зголеми до 60.000 долари.
3. 2011-та година, Indianapolis 500
Цена: 100.000 долари
Место:„ Indianapolis Motor Speedway“
Патеката во Индијанаполис нуди неколку апартмани. Во нив може да се сместат вкупно 80 лица, секој од нив има два одделни тоалети и вкупно 20 места на паркингот. Храната не е вклучена во цената.
2. 2012-та година, BCS National Championship
Цена: 200.000 – 250.000 долари
Место: Mercedes-Benz Superdome, Њу Ореланс
Ривалството меѓу„ LSU“ и „Alabama“ е легендарно во колеџ фудбалот и кога двата ривали играат едни против други, цените на ложи скокаат.
1. 2012-та година, Super Bowl
Цена: 500.000 долари
Место: „Lucas Oil Stadium“, Индијанаполис
Ложите за „Super Bowl“ се резервираат многу тешко и за тоа цените се високи. Минатата година најскапата ложа на стадионот беше продадена за 500.000 долари. На располагање беа 137 луксузни ложи, од кои 12 суперлуксузни и тие биле продадени месеци пред натпреварот.
