„LG G7 ThinQ“ е веќе потврден во Јужна Кореја под кодното име „LGE LM-G710“, a овој интерен број се појави и во базата на „Geekbench“, откривајќи ги перформансите, но и некои од спецификациите на телефонот.
Тоа што е најважно, телефонот навистина ќе го има најновиот „Qualcomm Snapdragon 845“ чипсет. Ова значи дека се поддржани до 2.8GHz брзина на работниот такт, до 1.2 Gbps LTE Cat. 18 брзини на „download“ и 4K видео снимање @60fps.
„LG G7 ThinQ“ има четири „Kryo 385 Gold“ јадра („Cortex-A75“ основна) и четири „Silver“ јадра („A55“ основна), изработени во 10nm LPP процесот. Системот оствари прилично солидни „single-core“ и „multi-core“ резултати од 2.312 и 8.979 поени, што е во рангот со резултатите на „Galaxy S9“ на истиот тест.
Тоа што е необично во спецификациите, кои ги открива „Geekbench“, е количината на „RAM“-от. Инсталиран е 4GB RAM, иако претходните гласини укажуваа на 6GB RAM зa „G7 ThinQ“. Се очекува дека „LG“ ќе објави и верзија со повеќе „RAM“ и простор за складирање, што корисниците сигурно ќе ги чини повеќе во ерата и на онака рекодните просечни цени за премимум телефоните.
