„Google“ објави нови бројки, кои ја покажуваат дистрибуцијата на верзиите на „Android“ оперативниот систем за месец април.
Графиконот покажува дека пазарниот удел на најактуелната верзија на „Android“ сега изнесува 4,6 проценти, додека „Nougat“ се наоѓа на 30,8% од уреди. „Marshmallow“, од друга страна, моментално има пазарен удел од 26 отсто.
Кога станува збор за постарите верзии на „Android“, „Lollipop“ моментално држи 23% од пазарот, додека „KitKat“ има 10,5 посто. „Jelly Bean“, „ICS“ и „Gingerbread“ се на помалку од пет отсто од пазарниот удел.
Треба да се напомене дека „Google“ во февруари последен пат ги објави резултатите за дистрибуцијата на „Android“. Тогаш „Oreo“ беше на 1,1 %, „Nougat“ имаше удел од 28,5%, додека „Marshmallow“ имаше удел од 28,1 oтсто.
