Поради штрајк на пилотите се очекува францускиот авиопревозник „Air France“ денеска да откаже 30 проценти од планираните летови.
Синдикатот бара зголемување на платите за 6 отсто, со оглед на тоа што платите во „Air France“ се замрзнати од 2011 година, пренесува „Асошиејтед прес“.
Управата на компанијата вчера понуди зголемување од два проценти во текот на годинава, а вкупно 5 во следните три години. На синдикатите им е даден рок до крајот на неделата да се изјаснат дали ја прифаќаат понудата, но најголемиот синдикат на пилоти веќе соопшти дека ќе ја одбие.
