Автономните автомобили станаа фокус на јавноста, откако минатиот месец во САД две несреќи завршија со смртни случаи. Првиот беше пешак кој беше прегазен од автономен автомобил на „Убер“, а вториот беше „Тесла Модел Х“ на автопилот додека патуваше по автопатот.
Социолошката агенција „Ipsos“ спроведе големата студија за ставовите кон автономните возила малку пред двата инцидента, а според неа најпозитивно на нив се гледа во светот во развој, ги резимира резултатите „Ѕtatista“.
Особено возбудени од овој тип на технологија се луѓето во Индија – 49% од испитаниците позитивно гледаат во нив и се желни да ги испробаат ваквите автомобили. Уште 46% не се сигурни што мислат, но сепак ги интересира идејата, додека само 5% велат дека никогаш нема да ги користат. Во Кина постојат слични нивоа на оптимизам, додека во Русија има 33%, а делот на несигурните е 59%.
Во исто време, во Јужна Америка, тројца од десет Бразилци сакаат да се возат во беспилотно возило.
Во САД, секптицизмот кон технологијата е висок дури и пред двата фатални инциденти. Една четвртина од луѓето во земјата велат дека никогаш нема да пробаат автономни автомобили, а 54% не се сигурни во своето мислење. Само 22% велат дека се позитивни за идејата и се желни да пробаат таков автомобил.