Светската премиера на петтата генерација на „Subaru Forester“ се одржа за време на автосаемот во Њујорк. Кросовер добил променета надворешност и нов 2,5-литарски „боксер“ мотор. За прв пат во историјата возилото е опремено и со систем за препознавање на заморот кај возачот.
Новиот „Forester“ е изграден на модуларната платформа „Subaru Global Platform“ (SGP), која се карактеризира со понискиот центар на гравитација и цврстата конструкција. Истата шасија е во основата на последните генерации на „Impreza“ и „XV“.
Должината на кросовер е 4.625 мм (+15 мм во споредба со претходната генерација), ширина од 1.815 мм (+20 мм), висина од 1.730 мм (-5 мм) и меѓуоскино растојание од 2.670 мм (+30 мм). Минималната оддалеченост од тлото е 220 мм.
Под капакот на „Forester“ е поставен 2,5 литарски „боксер“ со 4 цилиндри и систем за директно вбризгување на горивото. Моторот е речиси нов, бидејќи 90% од елементите му се променети. Моќта е 185 КС и 239 Нм, а се комбинира само со вариатор „Lineartronic“.
Динамичките карактеристики на моделот засега не се познати. Претходната генерација со 2,5-литарски „боксер“ забрзуваше од 0 до 100 км/ч за 9,8 секунди и постигнуваше максимална брзина од 197 км/ч.
Новиот „Subaru Forester“ е опремен со симетричен систем за погон на четири тркала со вектор на потисок и теренски режим „X-Mode“. Возачот има на располагање неколку режими на електрониката, кои се префрлуваат со помош на системот „SI-Drive“.
Промените во кабината вклучуваат поставување на нови централна консола, инструмент панел панел, блок за управување на системот за климатизација и волан. Седиштата се со нов профил, благодарение на кое поставеноста им е променета и е постигната подобра прегледност. Материјалите се исто така со повисок квалитет.
Во опремата на кросоверот влегуваат мултимедијален систем со 8-инчен дисплеј, компатибилност со „Apple CarPlay“ и „Android Auto“, пристапна точка „Wi-Fi“, систем за стартување на моторот од далечина, електрична задна врата, 7 воздушни перничиња, систем за автоматско кочење при возење наназад, адаптивни светла, функција за автоматско управување на долгото светло и корпоративниот комплекс од системи за безбедност „EyeSight“.
Продажбата на новиот „Forester“ на пазарот во САД стартува уште во текот на летото. Цените на моделот допрва треба да бидат објавени.