Јапонскиот гигант „Toyota“ пред саемот за автомобили во Њујорк ја претстави новата генерација на својот најпопуларен модел „Corollа“.
Најпродаваниот автомобил на сите времиња го доби своето 12-то издание кое е изработено на нова платформа, а особено го одликува спортското управување и многуте технологии.
„Corolla“ хечбек е „спакувана“ за американскиот пазар и претставува речиси идентична реплика на „Auris“, кој се обидува да ја освои Европа во овој сегмент на компактни возила.
„Toyota“ тврди дека нејзиниот нов хечбек благодарејќи на „TNGA“ платформата и спортски задна суспензија е позабавна за возење.
Новата „Corolla“ е пониска, поширока и подолга и пред се поатрактивна од моделот „iM“ кој го наследува на пазарот.
Светслосните групи се поизразени, линиите на каросеријата се покарактеристични од претходно, а агресивниот изглед дополнително ги нагласува аголните стоп-светла и закривениот заден дел.
Што се однесува до погонот, „Toyota“ се одлучи се ослободи од турбополначот, па под хаубата ќе се најде и 2.0-литарски четирицилиндарски агрегат.
Се уште нема детали за моќта, перформансите и ефикасноста, но се очекува да биде на повисоко ниво во однос на „Corollа iM“ за 2018-та која имаше 137 KS и 170 Nm вртежен момент.
Новиот мотор во оваа „Corollа“ најверојатно е помал, полесен и порафиниран од 1.8-литарскиот кој го менува.
Што се однесува до внатрешноста, „Toyota“ не изненади премногу, тука се нејзините препознатливи детали, а особено се истакнува 8-инчниот екран на мултимедијалниот ситем кој е сместен високо во средината на предната табла.
Вклучени се стандардните безбедносни системи, како автоматско сопирање при детекција на пешаци, адаптивниот темпомат, предупредувањето за напуштање на лентата…
Со моделот за 2019-та стандардно доаѓа и задна камера. „Toyota“ не ги соопшти деталитеза цените, ниту и кога новата „Corolla“ официјално ќе се најде на пазарот.
