Скандалот околу “Кембриџ Аналитика” и “Фејсбук” добива на интензитет. Британскиот Канал 4 тајно снимил суспендиран извршен директор на Кембриџ Аналитика.
Како што е соопштено од страна на британската телевизија, Александар Никс, тајно го снимал разговорот и рече дека неговата компанија одиграла клучна улога во изборната кампања на претседателот на САД, Доналд Трамп 2016 година.
Оваа телевизија организирала “тајна операција”, во која го снимила Никс кој тврди дека тој се сретнал со поранешниот републикански претседателски кандидат “многу пати”, и дека неговата компанија одигра голема улога во последните месеци од кампањата.
“Ние ги спроведовме сите истражувања. Ги собравме сите информации. Ние се занимаваме со целосна аналитика. Ние работевме се што е во врска со таргетирање. Водевме дигитална кампања и тие врз основа на нашите податоци правеа стратегија”, рече Никс на новинарите на Британската телевизија во тајната мисија за време на состанокот со нив во Лондон.
Како што беше објавено претходно, Управниот одбор на Кембриџ објави дека го суспендирал генералниот директор, Александар Никс, додека не заврши целосна и независна истрага за неговите дејства. “Коментарите на Никс не ја претставуваат вредноста и операциите на компанијата, а неговата суспензија ја отсликува сериозноста со која ја гледаме оваа повреда”, се вели во соопштението.
Британските пратеници веќе го поканија извршниот директор на Фејсбук, Марк Цукерберг да сведочи пред парламентарната комисија за случајот. Медиумите наведуваат дека компанијата “Кембриџ Аналитика” на неправилен начин доаѓала до информации од популарната социјалнa мрежa, а меѓу клиентите на овaа компанија се и членови на избирачкиот тим на претседателот на САД, Доналд Трамп.
Се вели дека “Кембриџ Аналитика” ги користела податоците од 50 милиони корисници на Фејсбук за да креираат психолошки профил со цел да се насочат со реклами и приказни што ќе допрат до гласачите.
Експертите велат дека “Кембриџ Аналитика” не ги злоупотребувала податоците сама, укажувајќи на поврзаноста на случајот со можното мешање на претседателските избори во САД во 2016 година.
Коментари