Компанијата „IBM“ на конференцијата „IBM Think 2018“ која се одржува оваа недела, го претстави најмалиот компјутер во светот.
Има процесор со слична моќ како и компјутерите од деведесетите години од минатиот век и е наменет за следење на испорачана стока, детектирање кражба и измама, како и извршување на едноставни задачки како што е сортирање на податоците кои ги добива.
Се состои од неколку стотини транзистори кои му овозможуваат да следи, анализира, комуницира и реагираа на податоци.
Можеби една од најинтересните работи во врска со овој производ на „IBM“ е дека неговото производство чини до 10 центи по парче.
Според претставници на „IBM“, за нив ова е само почеток, бидејќи слични компјутери ќе станат дел на уреди и системи за безбедност.
Експертите од „IBM“ моментално го тестираат прототипот, па уште не е познато кога овој уред ќе се најде во масовна употреба.
