Сингапур е прогласен за најскапиот град за живеење во светот веќе петта година по ред.
Сингапур ги надмина Њујорк, Лондон и Лос Анџелес, кои дури и не влегуваат во првите десет најскапи градови во светот, според рангирањето на „Economist Intelligence Unit“ (EIU).
Годишната листа „EIU“ ги споредува цените на над 150 артикли во 133 града во светот, како лебот, виното, цигарите и бензинот. Таа има за цел да им помогне на менаџерите да одредат фер ниво на платите кога ги селат своите вработени во странство.
Челната позиција во рангирањето на Сингапур се одразува на еден регионален тренд, при што трошоците за живот се зголемуваат во Азија, во позадината на растот на локалните економии. Во првите десет кон Сингапур се приклучуваат уште Сеул, кој го зазема седмото место, како и Хонг Конг (4) и Сиднеј (10).
Едни од најевтините градови, според рангирањето, исто така се во Азија, како Индија и Пакистан.
Во Европа исто така продолжува да биде скапо за живот – Париз (2), Цирих (3), Осло (5), Женева (6) и Копенхаген (8) влегуваат во првите десет. Деветтата позиција на листата е за Тел Авив.
Во исто време поевтинувањето на американскиот долар во 2017-та година доведе до падот на Њујорк и Лос Анџелес до 13-то и 14-то место.
Бангалор, Ченај, Карачи и Њу Делхи спаѓаат меѓу десетте најевтини градови во оваа година.
Кон нив се приклучуваат Дамаск, Каракас, Алмати, Лагос, Алжир и Букурешт.
