Компанијата “Amazon” може да има 70 милиони корисници на финансиски услуги за пет години, покажа едно неодамнешно истражување.
Концептот “Amazon bank” наскоро може да порасне на повисоко ниво, заклучи консултантската фирма “Bain & Co”, која го спроведе истражувањето.
Наводно, американскиот технолошки гигант веќе преговара со неколку американски банки за партнерство. На почетокот ќе работи со млади луѓе кои ќе добијат некој вид на сметка во банка, но под брендот Амазон.
Овој потег може да им овозможи на ИТ компаниите да ја отворат вратата за финансиски услуги. За разлика од банките, технолошките компании не подлежат на строга регулација, барем сеуште не. Покрај “Amazon”, интересот за влез во оваа сфера претходно покажаа “Google” и “Facebook”.
Меѓутоа, прашањето е дали банките ќе ја искористат потенцијалната можност да нудат услуги преку ИТ компании, што би било “win-win”.
