„BMW“ го потврди развојот на третиот електричен модел кој ќе се приклучи на „i3“ и „i8“. Тој ќе биде креиран врз основа на „iVision Dynamics Concept“, презентиран на салонот за автомобили во Женева.
Новиот електричен автомобил на „баварците“ ќе се вика „i4“ и ќе биде произведен во фабриката во Минхен. Компанијата не ги открива своите технички карактеристики, само се знае дека со едно полнење прототипот патувал 600 км. Неговата максимална брзина е 200 км/ч, а забрзувањето од 0 до 100 км/ч трае 4 секунди.
Концептот „BMW iVision Dynamics“ е лишен од класичната решетка на ладилникот. Поголемиот дел од елементите на предниот дел служат како сет на сензори, а исто така го истакнуваат стилот на брендот на компанијата.
Плановите на баварскиот производител се дека до 2025-та година на пазарот ќе бидат пуштени 25 нови модели на електрична енергија – 12 електрични автомобили и 13 хибриди. Највисоко во гамата ќе биде автомобилот со 3 електромотори со вкупна моќност од над 800 КС.