Новото 32-ро издание на годишниот ранг на магазинот „Forbes“ брои 2.208 милијардери низ светот. Нивното збирно богатство денес изнесува 9,1 илјади милијарди долари, што е за 18% повеќе од пред 12 месеци.
Топ 20 од најбогатите луѓе на планетата поседуваат 1,2 илјади милијарди долари од таа сума. И покрај тоа што тие сочинуваат само 1% од вкупниот број милијардери, нивното богатство претставува 13% од вкупното богатство на сите најбогати луѓе на планетата.
Џеф Безос го презеде водството на ранг листата откако акциите на „Amazon“ се зголемија за 59% во изминатите 12 месеци. Ова му помогна на Безос да го зголеми своето богатство за 39,2 милијарди долари годишно, најголема добивка откако „Forbes“ почна да ги следи милијардерите низ целиот свет во 1987-ма година.
До него е Бил Гејтс. Коосновачот на „Microsoft“ ја загуби својата прва позиција само по шести пат од 1995-та година, кога за првпат се искачи на првото место.
Французинот Бернард Арно ја имаше втората најдобра година по Безос. Рекордните резултати на неговата луксузна империја „LVMH“, како и купувањето на преостанатиот удел во „Christian Dior“, му донесоа на Арно 30,5 милијарди долари во 2017-та година.
Денес тој е рангиран на прво место меѓу најбогатите луѓе во Европа и број 4 во светот.
Двајца технолошки претприемачи од Кина се меѓу првите 20 во светот за прв пат во историјата на рангирањето. Тоа се Ма Хуатенг, исто така познат како Пони Ма, кој го зазема 17-тото место во рангирањето. Ма кој ја поседува „WeChat“ апликацијата за разговор, а е дел од неговата компанија „Tencent“.
Технолошкиот гигант, исто така, има удел во „Tesla“, „Snap“ и „Spotify“.
Дваесеттата позиција е за Џек Ма, кој е основач на уште една од главните азиски компании – „Alibaba“. Акциите на компанијата додадоа 76% на својата вредност во последните 12 месеци.
„Forbes“ броеше 259 нови милијардери од пред една година порано. Највисоката позиција е за Кина со 89 новодојдени во рангирањето, додека САД е на второ место со 18.
Според последните податоци, САД остануваат на врвот по бројот на милијардери со 585 луѓе, додека Кина (Кина, Хонг Конг, Макао и Тајван) имаат 476 лица.
Денес има претставници од 72 земји и територии, а за прв пат има луѓе од Унгарија и Зимбабве. Државата, која оваа година не е претставена во рангирањето е Саудиска Арабија. Тимот на „Forbes“ одлучи да не ги вклучи 10-те милијардери во земјата, бидејќи властите во земјата се сомневаат во повеќе од 200 луѓе, вклучувајќи милијардери, поради сомневање за корупција. Некои од нив успеаја да ја откупат својата слобода, но за големи суми пари и голем дел од нивните средства.
Голем број луѓе во рангирањето го зголемија своето богатство во последните 12 месеци. Само 16% од нив се соочуваат со пад. Еден од најголемите губитници е американскиот претседател Доналд Трамп, кој загуби 400 милиони долари од сегашните 3,1 милијарда долари. Денес тој се рангира на 766-то место во светот, во споредба со 544-то од пред 12 месеци.
Еве ги 20-те најбогати луѓе во светот:
1. Џеф Безос (Amazon) – 112 милијарди долари
2. Бил Гејтс (Microsoft) – 90 милијарди долари
3. Ворен Бафет (Berkshire Hathaway) – 84 милијарди долари
4. Бернард Арно (LVMH) – 72 милијарди долари
5. Марк Цукерберг (Facebook) – 71 милијарди долари
6. Амансио Ортега (Zara) – 70 милијарди долари
7. Карлос Слим (Movil) – 67.1 милијарди долари
8. Чарлс Кох (Koch Industries) – 60 милијарди долари
9. Дејвид Кох (Koch Industries) – 60 милијарди долари
10. Лари Елисон (Oracle) – 58.5 милијарди долари
11. Мајкл Блумбърг (Bloomberg) – 50 милијарди долари
12. Лари Пејџ (Google) – 48.8 милијарди долари
13. Сергеј Брин (Google) – 47.5 милијарди долари
14. Џим Волтон (Walmart) – 46.4 милијарди долари
15. Робсон Волтон (Walmart) – 46.2 милијарди долари
16. Алис Волтон (Walmart) – 46 милијарди долари
17. Пони Ма (Tencent) – 45.3 милијарди долари
18. Франсоаз Бетанкур-Мeјерс (L’Oreal) – 42.2 милијарди долари
19. Мукеш Амбани (Reliance Industries) – 40.1 милијарди долари
20. Џек Ма (Alibaba) – 39 милијарди долари.
