„Hyundai“ ја претстави електричната модификација на својот компактен „Kona“ кросовер. Моделот ќе се појави на пазарот со избор од 2 електромотори, како и максимален опсег од 470 километри.
Од стандардниот кросовер со мотор со внатрешно согорување, електричниот „Kona“ се разликува по решетката на ладилникот, променетите браници и специјалните 17-инчни бандажи. Основната верзија добива електричен мотор со 135 КС и 395 Нм, и комплет литиум-полимер батерии со капацитет од 39,2 kW / h. Радиусот на оваа модификација е 300 км.
Помоќната верзија има 240 КС и батерии од 64 kW/h. Моделот забрзува од 0 до 100 км/ч за 7,6 секунди (9,3 секунди кај послабата верзија). Неговиот опсег е 470 км. Максималната брзина за двете модификации е 167 км/ч.
Од 100 киловатно полнење, батериите на „Hyundai Kona Electric“ се полнат до 80% за 54 минути. Потребни се 9 часа и 40 минути за целосна полнење и 6 часа и 10 минути за послабите батерии.
Во кабината на „Kona Electric“ е поставен дигитален инструмент панел и мултимедијалниот систем со 7-инчен дисплеј (8-инчниот екран е опција). Тој ги поддржува „Apple CarPlay“ и „Android Auto“. Исто така има проекција на екранот на шофершајбната и „Krell“ аудио системот.
Во опремата на електричниот кросовер влегува безкабелен полнач за паметни телефони со функција за потсетување за заборавен телефон при излегување од возилото. Има уште адаптивен крус-контрол со функција за целосно сопирање, систем за спречување на фронтален судир со функција за препознавање на пешаци, а исто така и препознавање на „слепите“ зони и за возилата кои доаѓаат од спротивната страна.
