Мумбаи, Индија, е градот со најплатените странци во светот, според најновото истражување на „HSBC“.
Странците кои работат во најголемиот индиски град заработуваат просечна годишна плата од 217.165 долари, што е повеќе од двојно повеќе од светскиот просек од 99.903 долари.
Резултатите од студијата, врз основа на податоците од 27.587 вработени ширум светот, го рангираат Финансискиот центар во Мумбаи пред Сан Франциско, кој е втор најпрофитабилен град за странски вработени.
Странците кои работат во Сан Франциско може да очекуваат просечна годишна плата од 207.227 долари.
Мумбаи е еден од четирите азиски градови кои се меѓу првите десет во рангирањето во оваа година. Шангај, Џакарта и Хонг Конг се рангирани пред американските и европските градови каде што платата на странските работници е традиционално висока.
Вкупно, во 31 град во светот, странците заработуваат во просек повеќе од 100.000 долари годишно, според студијата на „HSBC“.
Од 21 град што се под просекот, Единбург нуди најниска плата за странци. Странските државјани кои работат во шкотскиот главен град пријавиле просечен приход од 56.250 долари годишно.
Една позиција пред Единбург е Лисабон со 60.913 долари, пред Бирмингем и Барселона, каде што странци добиваат просечно 61.950 долари и 65.070 долари годишно, соодветно.
На спротивната страна е Цирих. Градот е рангиран на третото место, по Мумбаи и Сан Франциско, со 206.875 долари во просек.
Единствениот друг град во кој странците во просек добиваат над 200.000 долари годишно е Шангај.
