Сите земји во Европската унија ќе мора да го зголемат својот придонес во буџетот на заедницата по излегувањето на Велика Британија, без исклучок. Ова го изјави претседателот на Европската комисија, Жан-Клод Јункер при пристигнувањето на вчерашната неформална средба на лидерите на Европската унија, цитиран од агенциите.
„Ако не сакаме да намалиме сите програми на ЕУ, сите земји без исклучок ќе треба да платат повеќе“, рече тој.
Претходно претседателот на Литванија Далија Грибаускаите посочи дека по „Brexit“ недостатокот на средства во буџетот на ЕУ ќе достигне 20 проценти од сегашниот обем. Сепак, таа не прецизира дали нејзината земја е подготвена да плати повеќе за Брисел.
И покрај позицијата на Јункер пред средбата холандскиот премиер го повтори ставот на својата земја дека таа е против зголемувањето на придонесите. „Можете да сметате на се што е можно за да го избегнете ова“, рече тој.
Шведскиот премиер Стефан Левен изрази слична позиција.
Прашањето за формирање на евентуалниот буџетски план на ЕУ за следниот седумгодишен период (2021-2027 година) ќе биде главна тема на средбата на европските лидери. Експертите наведуваат дека се очекува дискусијата да биде исклучително напната, бидејќи со излегувањето на Велика Британија од ЕУ во 2019-та година буџетот на Унијата ќе се намали за помеѓу 12 и 13 милијарди евра. Европската комисија сака овој дефицит да биде покриен преку намалување на трошоците од една страна и зголемување на придонесите на другите членки од друга.
Тензиите се засилува од иницијативата на некои земји, особено Германија, да се поврзе доделувањето на европските средства за некои од посиромашните членки на ЕУ со исполнувањето на одредени критериуми, вклучувајќи прием на бегалци.
Германскиот канцелар Ангела Меркел изјави пред Бундестагот дека во иднина структурните фондови на Унијата треба да бидат обврзани со прифаќањето на странски мигранти.
Нејзиниот предлог беше исполнет со мешани реакции од европските лидери.
Единствената цел на фондовите на ЕУ е да помогне во интеграцијата на посиромашните земји на ЕУ, рече Грибаускаите. Слична позиција во минатото беше изразена од други земји во Централна и Источна Европа, како што се Полска и Унгарија.
Луксембуршкиот премиер Ксавие Бетел, исто така, изгледаше критичен за предлогот на Меркел. „Кој ќе биде казнет потоа? Не влади, туку граѓани“, рече тој.
Во изјавата Јункер исто така, предупреди дека не сака противречностите за буџетот да предизвикуваат подлабок јаз меѓу членките од источниот и западниот дел на Унијата.
