Најдобро е возилото да го проверите во овластен сервис. Доколку ви се наближува редовниот сервис можете тоа да го сторите пред заминување на пат. Доколку не, задолжително проверете масло, сопирачки, гуми (длабочината на шарите). Некои од овие совети можете и сами да ги направите.
12 дена пред пат – Подгответе документи
Особено ако патувате во странство. Значи, возачка и сообраќајна дозвола, полиса за осигурување, лична карта, пасош и зелен картон за во земјите каде што е неопходен. Совет: Скенирајте ги документите и таквите слики чувајте ги на вашата електронска пошта за секој случај.
10 дена пред пат – Ажурирање на навигацијата
Уредите за навигација станаа неопходно средство за снаоѓање во странство. Замислете ја ситуацијата да се загубите некаде во странство, додека децата ви плачат од нервоза на задните седишта?!?! Па така потрудете се мапите на вашата навигација да бидат ажурирани.
7 дена пред пат – Прибор за прва помош
Кога последен пат сте провериле дали ја имате неопходната опрема во автомобилот? Пред патување е вистинскиот момент за тоа. Ве потсетуваме: комплетот за прва помош е стандарден, а имајте во предвид дека во некои земји како што е Грција неопходен е и апарат за гасење пожар.
5 дена пред пат – Забавен програм-организација за деца
Тато дали стигнавме?, Уште колку мораме да патуваме?, Сакам надвор, тато! Доколку ваквите прашања ви одат на нерви, обезбедете некаков вид на забава за вашите деца. Џебна конзола, мобилен телефон, таблет или нешто слично ќе завршат голема работа.
3 дена пред пат – Купете моторно масло
Дури и модерните автомобили трошат извесна количина во интервалот меѓу редовната замена. Па така внимателните возачи пред долг пат купуваат и моторно масло, затоа што во никој случај несакаат да им се вклучи сијаличката, а сервис нема во близина. Еден литар е сосема доволно.
2 дена пред пат – Запишете го важните броеви
Украдена ви е кредитната картичка, што сега? Запишете го за секој случај бројот на „call-centаr“-от од вашата банка, а преку интернет пронајдете ги броевите за помош на пат во државите во кои ќе поминувате.
Еден ден пред пат – Правилно спакувајте се
Рамномерно распоредете го теретот во багажникот. Потешките работи одат на самата клупа, додека сигурносниот триаголник и комплетот за прва помош мораат да бидат достапни во секое време. Правило, доколку имате носач на покривот теретот рамномерно распоредете го и во него не ставајте цврсти куфери.
Денот за патување – Земете резервен клуч
Сте ги заборавиле клучевите во автомобилот и сега неможете да влезете во него зошто е заклучен. Да се случува и тоа. Затоа памет во глава за да не ви се случи ваква работа на илјада километри од дома. Резервниот клуч задолжително носете го со вас.
Денот за патување – Подгответе храна
Нормално водете сметка со себе да носите храна која не се расипува. Грицки, сендвичи, разни видови на бисквити кои се составен дел од патувањата со деца. Лекарите препорачуваат за време на возењето да се пијат многу течности и да се конзумира овошје.
Главен совет – Распоредете го времето за возење
Непрекинато возење од 10 часа е малтретирање и за возачот и за автомобилот. Планирајте каде ќе се одморите, па дури и да преноќите и патувањето навистина да направите уживање.
