Стартуваше четвртото рели Пекинг-Париз кое е најголемиот и најтешкиот предизвик за старите или класичните автомобили. Патот од 12.000 километри овие олдтајмер би требало да го поминат за 33 дена.
Скоро стотина стари возила, вклучувајќи и еден Форт Т од 1913-та година, нешто помладо Бентли и пола век стариот Мустанг тргнаа на пат од Пенкинг до „градот на светлината“.
Учесниците на релито „Peking to Paris Motor Challenge 2013“ ќе ја поминат пустината Гоби во Монголија, од таму ќе се преселат во Русија, па во Украина, Словачка, Австрија, Швајцарија и на крајот ќе пристигнат во Франција.
Со број еден стартуваше црниот „lafrans turer“ од 1917-та година со мотор од запремнина од дури 14.5 литри.
По него тргнаа реконструираните или макотрпно и скапо одржуваните модели, меѓу кои се најдоа и марките Бентли и Ролс-Ројс. Од поновите модели се Порше 911, неколку Фолксвагени, Буба и Волво.
Планирано е возачите дневно да поминуваат стотина километри и целата делница да ја завршат за 33 дена.
Според зборовите на организаторите ова рели е најдолг и најтежок предизвик за старите и класичните возила.
Ова е четвртиот ваков собир, а првиот бил одржан во 1997-та година кога навршувале 90 години од првото историско возење на еден италијански принц кој во 1907-та година ја поминал оваа релација.
