На саемот во Детроит, германскиот производител „Mercedes-Benz“ ја претстави новата генерација на својата „G-Class“. Само верзијата „G500“ (на фотографијата) беше прикажана пред публиката и медиумите. Меѓутоа, на саемот за автомобили во Женева во март, ќе го видиме најмоќниот „Mercedes-AMG G63“.
Слики од прототипот за тестирање покриен со маскирни делови беа објавени на профилот „Bigblogg“ на социјалната мрежа „Instagram“. Исто така, имаше детали за автомобилот кој ќе го задржи својот индекс „W463“, но ќе биде лесно препознатлив по решетката на ладилникот – „Panamericana“.
За топ-модификацијата „Mercedes-AMG G63“ уште во стандардната опрема ќе се нуди пакет „Night“, при што сите хромирани елементи од надворешноста ќе бидат заменети со мат-црни аналози. Внатрешноста на „LED“ светлата исто така ќе биде црна.
Друга важна разлика со оваа варијанта ќе биде издувниот систем, чии цевки ќе бидат прикажани под задните врати. Предниот браник ќе биде поголем, со поголеми отвори за воздухот.
Најверојатно, под капакот на „AMG G63“ ќе се постави 4.0-литарски V8 со двоен турбо. Моторот со индексот „M 177“ развива 612 КС и 900 Nm вртежен момент, кои работат во комбинација со 9-брзински „AMG Speedshift“ автоматски менувач.
