Паметните автомобили до 2020 година ќе доживеат експанзија на пазарот на автомобили во Кина, предвидува нацрт-стратегијата која што ја објави главното кинеско тело за економско планирање.
Паметните автомобили се нова генерација возила кои ги комбинираат податоците од вградените сензори со технологијата на вештачка интелигенција и на тој начин можат да се возат автоматски или полуавтоматски.
Нацрт-стратегијата која ја направи Националната комисија за развој и реформа (НДРЦ) ќе биде разгледана на јавна расправа до 20 јануари. Целта на оваа стратегија е Кина да стане конкурентен светски лидер на пазарот на паметни автомобили, како и да се зголеми обемот на продадени паметни возила во земјата на 50 отсто до 2020 година.
