Воздух сега! Граѓаните побараа итно решавање на проблемот со загадениот воздух

Власта конечно да ги пронајде главните загадувачи и да ги казни. Да ги засили контролите и да го реализира ветеното пред изборите. Ова го порачаа учесниците на денешниот протест против високото загадување на воздухот во Скопје од пред Владата на Република Македонија.

Тие побараа повеќе зелени површини во главниот град и итни мерки со кои ќе се стави крај на енормната загаденост.

Драги Змијанац од детската амбасада „Меѓаши“ од протестот порача дека секое второ дете е погодено од загадувањето, а Детска болница Козле е преполна.