Widgetized Section

Go to Admin » Appearance » Widgets » and move Gabfire Widget: Social into that MastheadOverlay zone

КОЛУМНА: Предстечајно решение – Санатор

Време: 08:59

Датум: декември 11, 2017

Категорија: КОЛУМНИ

Во една од претходните колумни кога пишував за кредитниот мораториум, пишував и за така нареченото стручно тело кое треба да биде еден вид предстечаен управник на друштвото каде се применува мораториумот. Стручното тело треба заедно со најголемите доверители и менаџментот на фирмата да ја извади фирмата од криза или успешно да ја продаде на нов или нови сопственици.

Во медицината најважно е болниот да ја прифати својата состојба (болест) и да посака да се излечи. Негирањето на болеста и небарањето помош само ја влошува состојбата и често може да биде кобно. Исто е и со фирмите, негирањето на проблемите и ненавременото реагирање доведува до истото како и во медицината, а тоа е смрт на фирмата. Но престанувањето на работа на фирмата има повеќеслојни последици и страшни индивидуални приказни.

Ова стручно тело (да го наречеме Санатор) може да биде приватна фирма, или фирма во мешовита сопственост меѓу банки, приватни консултантски фирми и државата. Ова тело или фирма – Санатор, треба да биде лиценцирано од соодветните институции во државата. Зошто во мешовита сопственост, затоа што во капитализмот се е водено од интересот т.е. заработката. Па така ова тело можеби нема да носи големи заработки за друштвото и доверителитe,  но најмалце што треба да направи е да ги намали загубите на доверителите, сопствениците на бизнисот и работниците (со што ќе влијае на вкупната добивка). А од друга страна државата треба со издавањето на лиценцата или учествување во сопственоста во ваква фирма – Санатор да биде гарантот за почитување и спроведување на законот и заштитник на вработените.

Крајниот ефект на Санаторот треба да биде успешно преструктуирање на фирмата со воведување на нови менаџмент практики, нови или подобрени произоди, примена на нови технологии  на производство или нејзина успешна продажба. Под успешна продажба подразбирам продажба каде повеќето страни: сопствениците, банките и другите доверители, а секако и вработените, ќе бидат задоволни од условите на продажба. Санаторот нема да смее да отпушта луѓе од работа (освен ако не се огрешиле во работењето или не прекршиле или прекршуваат закон), туку во програмата за санација треба да предвиди и програми за дообуки или преквалификација на вработените или да им понуди соодветна отпремнина за да напуштат работа.

На почетокот треба да се дефинираат условите кога може да се активира механизмот Санатор. Може да важат истите или слични услови кои важеа и за кредитниот мораториум:

  • Вкупна изложеност (долг) над 200.000 ЕУР,
  • Просечен годишен прилив во изминатите три години на друштвото над 30.000.000,00 мкд,
  • Број на вработени над 25,
  • Вкупен износ на доспеани долгови и рати за кредит, во износ над капиталот на друштвото и со над 45 дена доцнење.
  • Да се дефинираат дејности со која се занимава фирмата за кои ќе важи ова правило (ова да не важи за трговски фирми).
  • Право на активирање на Механизмот – Санатор, покрај сопствениците да имаат и Банките и поголемите доверители.

По дефинирањето на критериумите, односно со нивно исполнување се аплицира за помош од Санаторот. За тоа се известува соодветните државни институции и сите доверители и се активира кредитниот мораториум.

Останува да се најде начин како да се платат доспеаните обврски кон добавувачите. Можни начини се факторинг компанија, новоформиран државен или приватен фонд, или уште подобро Санаторот да ги исплатат или превземат заостанатите долгови кон добавувачите постари од 45 дена (за банките ќе важи кредитниот мораториум). Се разбира ова превземање на долговите нема да биде без интерес, односно превземачот на долгови ќе си ги поврати парите и ќе заработи некоја договорена камата од идните приходи или од продажба на друштвото.

Откако ќе започне со работа Санаторот ќе го превземе комплетното управување со фирмата и ќе има определен рок од шест месеци до една година да ја врати фирмата во кондиција или да ја продаде на еден или повеќе инвеститори. За успешно завршената работа Санаторот од идните приходи на друштвото ќе си наплати соодветна награда.

Како што треба да има дефинирани критериуми за активирање на Санаторот треба да има и критериуми за да престане односно да се деактивира Санаторот. Односно критериуми фирмата да се врати во нормално работење (на старите сопственици) или да се пристапи кон стечај или активирање на хипотеките.

Имајќи ги во предвид сите досегашни лоши искуства со стечаите на фирмите, превземањето на имотот од страна на банките, како и тоа дека многу луѓе останале без работа, а и добавувачи без можност да си ги наплатат своите побарувања, сметам дека овој механизам односно фирма ќе има успех. Во моентов ми текнува барем на десетина големи индустриски комплекси кај кои ќе беше се поинаку ако се пристапеше со решавање на проблемот со користење на Санатор.

Се разбира, секој може да спори дека рокот од шест месеци до една година е прекраток или наградата за успешно завршената работа на Санаторот ќе е премала или преголема, дека како паталец премногу се грижам за вработените или не знам веќе што. Но ај пак да се повикам на медицината и да се сложиме дека превенцијата е секогаш најдобар лек за секоја болест.

М-р Раде Чоловиќ

КОМЕНТАРИ

НАЈНОВО ОД КАТЕГОРИЈАТА

  • Tip of the week: Преземање на иницијатива

    Tip of the week: Преземање на иницијатива

    Сe помалку и помалку има јунаци кои ќе преземат некаква иницијатива за да се започне некоја работа, а камоли и да се заврши. Цело време…

  • Tip of the week: Кога не иде, не иде…

    Tip of the week: Кога не иде, не иде…

    Повеќе пати сме се нашле во ситуација кога колку и да сакаме некоја работа да испадне како што треба, едноставно не ни успева во намерата.…

  • Tip of the week: Пасивна продажба

    Tip of the week: Пасивна продажба

    Како моја професионална деформација, многу често знам кога шетам по продавници, ресторани, кафулиња или други услужни места, да го набљудувам и  да го следам продажниот…

  • Tip of the week: Пред да кажеш нешто…

    Tip of the week: Пред да кажеш нешто…

    Пред некој ден налетав на една слика на која пишуваше: Пред да зборуваш, размисли… Дали е вистина?! Дали е од помош?! Дали е инспиративно?! Дали…

  • Tip of the week: Набрзинка

    Tip of the week: Набрзинка

    Ајде… Сега… Веднаш!! Нестрпливи сме! Сакаме да се случуваат работите сега и веднаш. Но, не оди тоа баш така. Да, може нешто да се случи…

  • КОЛУМНА: Среќна Нова 2018 Година – М-р Раде Чоловиќ

    КОЛУМНА: Среќна Нова 2018 Година – М-р Раде Чоловиќ

    Почитувани читатели на Денар.мк би сакал да ве известам дека завршувам еден циклус од 10-тина колумни. Се надевам дека ви беа интересни или во најмала…

  • Tip of the week: Нова година

    Tip of the week: Нова година

    Пред некоја година,  во еден весник имаше изјави од повеќе луѓе за тоа кои се нашите прогнози околу економските случувања за следната година. Меѓу другите…

  • Tip of the week: 24 часа до успехот

    Tip of the week: 24 часа до успехот

    Феноменот “последен ден” е многу интересен. Нема уште многу време! Дали ќе успеете или не, зависи до каде сте со остварувањето на целите. Еве, на…

  • КОЛУМНА: Отвори го пенџерчето, се задушивме – М-р Раде Чоловиќ

    КОЛУМНА: Отвори го пенџерчето, се задушивме – М-р Раде Чоловиќ

    Не, не го отворајте пенџерчето, прозорецот, балконската врата, не излегувајте од дома и така нема да дишете штетни ПМ честички. И проблемот е решен. Луѓе…

  • Tip of the week: Пауза!

    Tip of the week: Пауза!

    Не знам каде ми е главата!!! Нели така велиме кога сме преокупирани со активности, обврски (работни, приватни), проекти, кампањи или кога кажуваме дека „немаме време”?!…