Во првите девет месеци од оваа година, НЛБ групацијата оствари профит од 184 милиони евра, што е за 101% повеќе во однос на истиот период лани, односно 92,5 милиони повеќе.
За овогодинешните исклучително добри деловни резултати придонесуваат сé повеќе и повеќе пазарите на Групацијата надвор од Словенија, рече Примож Карпе, претседател на Надзорниот одбор на НЛБ.
Тој додаде дека друг тренд кој е забележан е дека бизнисот со физички лица и на пазарите во Југоисточна Европа, се повеќе придонесуваат кон крајниот резултат, со кој банката дополнително ги диверзифицира ризиците и ја подобрува структурата на своето портфолио.
