Експертите од „Zscaler ThreatLabz“ откриле лажна „YouTube“ страна која е наменета само за корисниците на „Google Chrome“.
Доколку корисникот кликне на лажниот видео плеер или било која реклама на лажниот „YouTube“ ќе му биде побарано да инсталира екстензија за „Chrome“. Таа се наоѓаа на страната на „Google Chrome Extension Store“ каде се тврди дека екстензијата е видео конвертор „Look Watching And Converter – PFMedya”.
Од „Zscaler“ велат дека досега откриле многубројни малициозни страни наменети за корисниците на „Internet Explorer“ или „Firefox“, но многу ретко пронашле страни кои служат за напад на корисниците на „Google Chrome“.
Домејнот на кој се наоѓа лажната „YouTube“ страница го содржи и зборот „facebook“, па најверојатно на корисниците оваа станица би им изгледала многу легитимна.
Кога екстанзијата ќе се инсталира таа започнува да ги спречува корисниците да отворат „Chrome Tools“ или делот за подесување (Settings) и со тоа им вметнува малициозен „JavaScript“ на „Facebook“, „Twitter“, „YouTube“ и „Ask.fm“.
